Auf der Flucht

Vor einem Jahr und einem Monat hab ich mal ein Gedicht geschrieben.
Gerade merke ich, wie sehr es doch heute (wieder) passt...

Of de Flocht

Of de Flocht erendwo döre

Aber of de Flocht vo was?

Vellecht of de Flocht vorem Beständige?

us Angscht sech of öbis izlo

us Angscht dass mer öbis z gärn chönt becho

oder us Angscht verletzt z wärde...

Eifach wäg vo do

Emmer wiiter

Emmer öbis neus

Alles e chli, aber nüt genau

Wäg vom alte

Wäg, vellecht au vo de Fähler?

Vellecht au wäg vom Alltag?

Vellecht aber au ned Flocht?

Vellecht nor of de Suechi:

Of de Suechi nochem Neue, Onbekannte

Of de Suechi nochem Glöck

Of de Suechi noch de Sehnsocht….

Oder of de Suechi nochem Rechtige:

Em Rechtige Wäg

De Rechtige Omgäbig

De Rechtige Lüüt...?

Aber ergendwie gliich weder of de Flocht.

Of de Flocht vo mer sälber?

Oder äbe grad of de Suechi noch mer,

Vellecht esches beides?

Vellecht esch jo d Flocht de ewig Wäg,

trebe vo de Suechi nochem Rechtige,

Nochem Läbestraum, noch de Erföllig,

Ermuetigt vo de Hoffnig...

Of de Flocht

Of de Flocht ergendwo döre

Aber of de Flocht vo was?

© Cameleon